Abdumalik Xalokov texnik nokaut evaziga finalga chiqdi (fotogalereya)

Toshkentdagi "Humo arena"da boks bo‘yicha erkaklar o‘rtasida jahon chempionati davom etmoqda. Bugun yarim final janglari bo‘lib o‘tadi.

-57 kg vazn toifasida Abdumalik Xalokov Munarbek Seitbek Uulu (Qirg‘iz Respublikasi) bilan ringga ko‘tarildi. Jang birinchi raundda yakunlandi. Abdumalik Xalokov raqibiga zarba bilan jarohat etkazib, muddatidan oldin g‘alabaga erishdi.

Abdumalik Xalokov ketma-ket ikkinchi bor jahon chempionati finaliga chiqdi. Bundan avval Serbiyadagi dunyo birinchiligida ham finalda jang qilgandi.

Quyida uning yarim finaldagi jangidan fotosuratlarni tomosha qilishingiz mumkin.