"Al-Ittihod" Benzemaning transferini qachon e’lon qiladi?

Benzema rasman "Real"ni tark etadigan bo‘ldi. Uning keyingi manzili katta ehtimol bilan "Al-Ittihod" bo‘lishi kutilmoqda. Bu xabarni Fabritsio Romano ham tasdiqladi. 

Insayderning ta’kidlashicha, "Al-Ittihod" Karimning transferini chorshanba, ya’ni 7-iyun kuni e’lon qiladigan bo‘ldi. Tez orada hujumchi Saudiya Arabistoniga yo‘l oladi. Shartnoma 2 yillik bo‘ladi va 35 yoshli futbolchi yiliga 200 million evro ishlab topadi.

Benzemaning qolishi haqida bir qancha ma’lumotlar tarqalgandi. Ammo u yakunda 14 yillik faoliyatidan keyin "Real"dan ketmoqda.