Antuan Semenyo "Manchester Siti"da 42-raqamni tanlash sababini tushuntirdi

"Manchester Siti"ning yangi futbolchisi Antuan Semenyo jamoada 42-raqam ostida harakat qiladi. Gana terma jamoasi a'zosi nega aynan shu raqamni tanlaganini izohlab berdi.

— Bu mening "Bristol Siti"da o‘ynagan paytimdagi ilk raqamim edi. 42 va 24 raqamlari orasida tanlov qildim, ammo 24 bo‘sh emas ekan. Shuning uchun yana eski raqamimga qaytdim. U men uchun har doim ilhom manbai bo‘lib kelgan, — dedi futbolchi.

Eslatib o‘tamiz, "shaharliklar" safida 42-raqam ostida avval Yaya Tyure ham to‘p surgan.

Antuan Semenyo "Manchester Siti" bilan 2031 yil yoziga qadar mo‘ljallangan shartnoma imzoladi. Transfermarkt ma'lumotlariga ko‘ra, transfer qiymati 72 million yevroni tashkil etgan.