APL. 11-turda olingan eng sara suratlar orqali ishlangan fotomaqola!

Angliya Premer ligasining 11-turi ham ortda qoldi. Markaziy bellashuvda "Tottenxem" o‘z maydonida "Arsenal" ustidan 2:0 hisobida zafar quchdi. Ushbu turda Arteta shogirdlaridan tashqari, "Fulxem" va "Vulverxempton" jamoalari ham raqib darvozasini ishg‘ol etolmadi va qolgan barcha klublar gol urishni uddasidan chiqdi. APLning qiziqarli kechgan uchrashuvlaridan fotomaqola tayyorladik.

"Byornli" futbolchilari Xamesning yo‘llarini berkitib tashladi.

 

Karlo Anchelotti o‘z texnikasini ko‘rsatib qo‘ydi.

 

U tomonda nima bo‘layapti?

 

Taniqli nomlar qolib, APLda to‘purarlik qilayotgan Dominik Kalvert-Lyuin gol urib, "Everton"ni mag‘lubiyatdan qutqarib qoldi.

 

Sterlingdan yangi imij!

 

Bir nechta uchrashuvlarda zaxirada qolib ketgan Sterling bu safar gol ham urdi.

 

Belgiyalik futbolchi ham raqib darvozasini ishg‘ol etdi.

 

Barcha nigohlar va e’tibor hakam tomoniga qaratilgan.

 

"Shaharliklar" "Fulxem" ustidan ishonchli g‘alabani qo‘lga kiritdi.

 

Angliyada qisman bo‘lsada, muxlislarning tashrifiga ruxsat berilgani quvonarli bo‘ldi.

 

Devid Moyes shogirdlariga qarshi bahsning dastlabki bo‘limida MYu futbolchilari yaxshigina qiyinchilikka duch keldi.

 

Ikkinchi bo‘limda etakchilarning maydonga tushgani "qizil iblislar"ga muvaffaqiyat keltirdi.

 

Asosiy futbolchilar qaytgani Grinvudning ham o‘yinini ochib yubordi.

 

"Stemford Brij"ga ham muxlislar qaytdi.

 

Shu kuni, Timo Verner bir qancha vaziyatlarni ko‘kka sovurdi.

 

Lempard Verner va Abraxamga ishonch bildirayotgan paytda, Olive Jiru hali "qarib" qolmaganini isbotlab qo‘ymoqda.

 

Zuma bosh bilan darvozani ishg‘ol etdi. Frantsiyalik futbolchi va Chiluellning himoyadagi tandemi tobora shakllanib bormoqda.

 

10-turga tayyorlagan fotomaqolamizda Gallaxer o‘z golini qanday nishonlaganini turli kadrlar orqali ko‘rgandik. Forvard bu safar ham hisobni ochishga erishdi.

 

Jarohati sabab maydonga tusholmay kelgan Uilfrid Zaa futbolni sog‘ingani sezilib turdi.

 

Zaa va Dembele juftligi "Vest Bromvich"ni "sochib" tashladi.

 

"Vest Bromvich" 1:5 "Kristal Pelas". Alamli mag‘lubiyat.

 

Gol zavqidan o‘z ehtiroslarini jilovlay olmagan Jeymi Vardi bayroqni sindirib yubordi.

 

Ushbu suratga izoh o‘zingizdan bo‘lsin!

 

Forvard bayroqni joyiga qaytarib qo‘ydi, ammo u o‘z uzunligini yo‘qotib bo‘lgandi.

 

Osiyolik Son Xyon Min London derbisida ham porladi.

 

Mourinoning yoqimtoylari yoki uning lageridagi "qotil tandem"!

 

Portugaliyalik mutaxassis doimgidek, turli reaktsiyalari bilan diqqatni o‘ziga tortib turdi.

 

Mane, Saloh va Semedu... Gol urganlardan yana kim qolib ketdi?

 

Ha, mana u. Matip ham portugaliyalik Rui Patrisiuning darvozasiga bosh bilan yo‘l topdi.

 

Ushbu qarama-qarshilikda Kloppning haqiqiy "Liverpul"ini ko‘rgan bo‘lsak, "Vulverxempton" umuman o‘ziga o‘xshamadi.

 

Ehtiyot bo‘l, to‘p uchun harakat qilayotganingda ortingdan tepib qolishlari mumkin!

 

Jamoa hisobda oldinga chiqib olganidan so‘ng, Ralf Xazenxyuttl o‘z quvonchlarini yashirib o‘tirmadi.

 

Denni Ingzning qaytishi "Sautgempton" klubiga ishonch berdi.