APL. "Chelsi" autsayderni qiyinchilik bilan taslim etdi

APL 30-turida "Norvich" hamda "Chelsi" jamoalari o‘zaro kuch sinashdi. Mazkur bahsda mehmonlar 2:1 hisobida g‘alaba qozondi. 

Dastlab, Chaloba 3-daqiqada hisobni ochdi. Biroz o‘tib Maunt farqni ikkitaga etkazib qo‘ydi. Ikkinchi bo‘limning 69-daqiqasida Pukki penaltidan gol urib, hisobni qisqartirdi va bellashuvda boshqa gol kiritilmadi. 

Shu tariqa, "aristokratlar" ochkolari sonini 56 taga etkazib oldi. Ayni vaqtda ular APL turnir jadvalida 3-o‘rinda bormoqda. 17 ochkosi bor "kanareykalar" so‘nggi pog‘onani band etgan.