APL. Qiyin g‘alabani qo‘lga kiritgan "Arsenal" peshqadamlikni davom ettirmoqda

APL 5-turidan o‘rin olgan "Arsenal" - "Aston Villa" bahsi yakuniga etdi. Unda maydon egalari 2:1 hisobida g‘alaba qozondi. 

Dastlab, uchrashuvning 30-daqiqasida Jezus hisobni ochdi. 74-daqiqada Duglas Luis muvozanatni tikladi. Biroz o‘tib, Martinelli "to‘pchilar"ni yana hisobda oldinga olib chiqdi va bu gol London klubiga g‘alaba taqdim etdi. 

Ochkolari sonini 15 taga etkazib olgan Arteta shogirdlari APL turnir jadvalida peshqadamlik qilishda davom etmoqda.