Arab kubogi. BAA penaltilar seriyasida Jazoirni mag‘lub etib, yarim finalning so‘nggi ishtirokchisiga aylandi

Arab kubogining chorak finalidan o‘rin olgan so‘nggi bellashuv ham o‘z nihoyasiga etdi. 
 
"D" guruhidan 7 ochko bilan keyingi bosqichga chiqqan Jazoir chorak finalda Birlashgan Arab Amirliklariga penaltilar seriyasida imkoniyatni boy berib qo‘ydi (7:6). O‘yinning asosiy vaqti esa 1:1 hisobi bilan yakunlangan edi. 
 
To‘qnashuvning 46-daqiqasida Bolbina hisobni ochishga muvaffaq bo‘lgan edi, lekin 64-daqiqada Konseysau oradagi farqni yo‘qqa chiqazib, hisobni tenglashtirdi. 
 
Ma’lumot o‘rnida, BAA yarim finalda Marokash bilan kuch sinashadi. Saudiya Arabistoni esa Iordaniya bilan bahs olib boradi.