"Arsenal" qishda yana bir bor Lemarni qo‘lga kiritishga urinib qo‘rmoqchi, ammo...

“Monako” klubi yarim himoyachisi Toma Lemar hamon “Arsenal”ning qiziqishlar doirasida bo‘lib turibdi.

Eslatib o‘tish lozimki, londonliklar yozda ushbu 22 yoshli frantsiyalik xavbek uchun 90 million evro taklif qilishgan edi. Biroq, Daily Mail nashrining xabar berishicha Lemarni qo‘lga kiritishni maqsad qilayotgan “kanonirlar” bu safar nisbatan kamroq pul taklif qilishmoqchi.

Ma’lumot uchun, Lemar joriy mavsum barcha musobaqalarda jami 17ta uchrashuv o‘tkazib, o‘z hisobiga 3ta gol hamda 3ta golli uzatma yozdirib qo‘yishga erishgan.