Asensio zahirada qolgani haqida: "Bu masalani bunchalik kattalashtirishni tushunmayman"

Madridning "Real" klubi himoyachisi Raul Asensio so‘nggi uchta o‘yinni zahirada o‘tkazgani bo‘yicha aytilgan gaplarga munosabat bildirdi.

Avvalroq muxlislardan biri nega maydonga tushmayotgani haqida so‘raganda, futbolchi: "Bu haqida Arbeloadan so‘rash yaxshiroq", — deb javob bergan edi.

Keyinchalik Asensio bu so‘zlari atrofidagi muhokamalarga izoh berdi.

"Nega bu vaziyatdan shunchalik katta muammo yasalayotganini tushunmayman. Murabbiy — o‘yin uchun javob beradigan inson, u kimni maydonga tushirish va kimni almashtirishni hal qiladi. Men unga ham, barcha jamoadoshlarimga ham katta hurmat bilan qarayman", — deb yozdi Asensio.