Asia Auto Gymkhana Championship 2025" musobaqasi. O‘zbekiston 4-o‘rinda!

Hindistonda "Asia Auto Gymkhana Championship 2025" musobaqasining uchinchi bosqichi yakunlandi. O‘zbekiston avtosport terma jamoasi ajoyib natijaga erishib, darhol ikki podiumni qo‘lga kiritdi!

"Male-Double" yo‘nalishida:
Dilshod Yusupov va Alim Ahmadjanov bronza medalini qo‘lga kiritdi.

"Mixed Double" yo‘nalishida:
Dilshod Yusupov va Sabina Yusupova kumush medalni qo‘lga kiritib, podiumning ikkinchi pog‘onasiga ko‘tarildi.

Uch bosqich yakuniga ko‘ra, O‘zbekiston 13 ta Osiyo-Tinch okeani mintaqasidagi mamlakatlar orasida 43 ochko to‘plab, umumiy reytingda 4-o‘rinni egallab turibdi. Oldinda yana ikki hal qiluvchi bosqich – Tayvan va final bosqichi Toshkentda bo‘lib o‘tadi. Chempionlik uchun kurash davom etmoqda, eng muhim poygalar hali oldinda!