"Barsa" "Ayaks"dan yana bir futbolchi sotib olmoqchi

"Barselona" jamoasi yozgi transferlar oynasida "Ayaks" futbolchisi Rayan Gravenberxni xarid qilmoqchi. Yarim himoyachi ham niderland klubini tark etishga qarshi emas. 

Xabar qilinishicha, "Ayaks" o‘z vakili uchun katta pul so‘ramoqda. Shuningdek, yosh Rayanga "Real", "Bavariya", "Chelsi" va "Liverpul" kabi grand klublar qiziqish bildirmoqda. 

Avvalroq, "ko‘k-anorranglilar" Amsterdam jamoasidan De Yong, Dest singari futbolchilarni o‘z safiga qo‘shib olgandi. 

Statistikaga ko‘ra, Rayan Gravenberx joriy mavsum Niderlandiya chempionatining 22 o‘yinida 1 gol va 3 assist qayd etgan.