"Barselona" olti marotaba uddasidan chiqqan ishni "Real" hech qachon qila olmagan

"Barselona" hisobida Ispaniya chempionati dastlabki 19 turidan so‘ng 50 ochko mavjud. 

Kataloniyaliklar La Liga tarixida oltinchi marotaba birinchi davrada 50 ochko to‘plashga muvaffaq bo‘ldi. Ular avval quyidagi mavsumlarda mazkur ishning uddasidan chiqqan: 2008/09, 2010/11, 2012/13, 2013/14 va 2017/18.

Shuningdek, "Atletiko" birinchi davrada ikki bor, aniqrog‘i, 2013/14 va 2020/21 mavusmda 50 ochko to‘plagan. Boshqa jamoalar esa bu ko‘rsatkichga erisha olmagan.