"Barselona" Saudiya shahzodasining pullarini shilmoqchi

"Barselona" klubi o‘zining braziliyalik vingeri Filippe Koutinoni "Nyukasl"ga sotishga tayyor, faqat qimmatroqqa.

Mundo Deportivo nashri tarqatgan xabarga ko‘ra, “ko‘k-anor ranglilar” avvalroq Koutinoni 75 million evroga sotishga tayyor ekanliklarini ma’lum qilishgan edi. Ammo, ular Koutinoni “qarg‘alar”ga 100 million evroga sotishmoqchi. Koutinoni shaxsan "Nyukasl"ning bo‘lajak bosh murabbiyi Maurisio Pochettino o‘z jamoasida ko‘rishni xohlamoqda.

Aytish lozimki, tez orada "Nyukasl"ni Saudiya Arabistonining valiahd shahzodasi sotib oladi.