"Barselona" yangi yarim himoyachi topdi

"Granada"ning 22 yoshli yarim himoyachisi Brayan Saragosaga "Barselona"ning qiziqishlari doirasida. Bu haqda "Todofichajes" nashri xabar berdi. Ispaniyalik futbolchi joriy mavsumning birinchi qismidagi yorqin o‘yini bilan "ko‘k-anorranglilar"ni hayratda qoldirdi.

Saragosa Ispaniya chempionatining o‘nta uchrashuvida qatnashib, beshta gol (bittasi penaltidan) va bitta golli uzatmani amalga oshirdi.

Brayan "Granada"da 2022 yilning yozidan buyon o‘ynamoqda. Futbolchi va klub o‘rtasidagi amaldagi mehnat shartnomasi muddati 2027 yilning yoziga qadar. Uning transfer narxi sakkiz million evroga baholanmoqda.