“Barselona”ga kelgan pleymeyker koronavirusdan aziyat chekmoqda

“Yuventus”dan “Barselona”ga ko‘chib o‘tgan Miralem Pyanich koronavirusga chalindi. Futbolchi bu kasallik bilan qanday kurashayotganini aytib berdi.

- Mendan xavotir olayotganlarga, o‘zimni yaxshi his qilayotganimni aytib qo‘ymoqchiman. Menda simptomlar bilinmayapti. Bu kunlar bizga dars bo‘lyapti. Qoidalarga amal qilaylik va xotirjamlikni ta’minlaylik. Tez orada ko‘rishguncha, - deb yozadi Pyanich o‘z ijtimoiy sahifasida.

30 yoshli futbolchi o‘tgan mavsumda Italiya chempionatida 29 ta uchrashuvda maydonga tushib, uchta gol va sakkizta golli uzatma muallifi sifatida mamlakat chempionligini qo‘lga kiritdi.