Batrakov Turkiyada «Barselona» yulduziga qiyoslandi

Turkiyalik jurnalist Nevzat Dindar «Galatasaray» tarkibida to‘p surayotgan rossiyalik yarim himoyachi Aleksey Batrakov o‘yini haqida o‘z fikrlarini baham ko‘rdi.

Juma kuni «Galatasaray» Superliga doirasida «Kasimpasha»ni 3:1 hisobida mag‘lub etdi. Aleksey Batrakov ushbu uchrashuvni asosiy tarkibda boshladi va bir golli uzatma muallifiga aylandi.

«Batrakov oddiy, ammo samarali futbolning kuchi borligini eslatadi. Uning sodda, biroq aql bilan o‘ynashi Dani Olmoni yodga soladi. Nima uchun «Galatasaray»ning o‘z Dani Olmosi bo‘lmasligi kerak?» – deydi Dindar.

Eslatib o‘tamiz, Aleksey Batrakov yozgi transfer oynasi davrida «Lokomotiv» klubidan «Galatasaray» safiga qo‘shilgan edi.

«Galatasaray»ning navbatdagi uchrashuvi seshanba, 13 oktyabr kuni bo‘lib o‘tadi. Jamoa Chempionlar ligasi umumiy bosqichi ikkinchi turida o‘z maydonida «Barselona»ni qabul qiladi.