“Bavariya” futbolchisiga APL grandi qiziqish bildirmoqda

"Bavariya" himoyachisi Benjamin Pavar faoliyatini Angliya Premer ligasida davom ettirishi mumkin. Jurnalist Kristian Falkning yozishicha, agent Pini Zaxavi futbolchining xizmatlarini Londonning “Chelsi” klubiga taklif qilgan.

"Aristokratlar" Antonio Ryudiger va Andreas Kristensen ketganidan keyin himoya chizig‘ini kuchaytirishlari kerak. Bundan tashqari, Pavar o‘ng qanotda ham ajoyib o‘yin ko‘rsata oladi, shuning uchun frantsiyalik futbolchining harakatlarini "Barselona"ga o‘tishi mumkin bo‘lgan Sezar Aspilikueta bilan solishtirishmoqda.

Biroq, ayni damda "Chelsi"ning ustuvor maqsadlari boshqa futbolchilar - Jyul Kunde va Presnel Kimpembe. Agar ushbu himoyachilardan biri bo‘yicha kelishuv amalga oshmasa, "ko‘klar" bor e’tiborini Pavarga qaratishi mumkin.