Bernardu Silva Joze Mourinyo haqida fikr bildirdi

Madridning «Real» jamoasi yangi yarim himoyachisi Bernardu Silva jamoa bosh murabbiyi Joze Mourinyo haqida fikr bildirdi.

- Joze Mourinyo qo‘l ostida ish boshlash va undan o‘rganishni sabrsizlik bilan kutyapman. Juda xursandman, chunki u portugal futboli uchun juda katta ahamiyatga ega murabbiy.

Bolaligimdanoq uning jamoalari o‘yinlarini ko‘p tomosha qilganmiz. U har doim portugal futboli nufuzini eng yuqori pog‘onaga olib chiqishga erishgan, — deya Silvaning so‘zlarini jurnalist Fabrizio Romano o‘zining X ijtimoiy tarmog‘idagi sahifasida keltiradi.

«Real» Bernardu Silva bilan shartnoma imzolaganini 17 iyun kuni e’lon qilgan edi. Joze Mourinyo esa jamoani 11 iyun kuni qabul qilib oldi. Mutasaddi murabbiy 2010–2013 yillarda ham madridliklarni boshqargan. U «Real» bilan birga Ispaniya chempionligi va mamlakat kubogini qo‘lga kiritgan.