Bugun ikki bokschimiz Osiyo chempionati oltin medali uchun ringga ko‘tariladi

Iordaniyada boks bo‘yicha kattalar o‘rtasidagi Osiyo chempionati o‘z nihoyasiga etib bormoqda. Bugun ayollar o‘rtasidagi bahslarning final uchrashuvlari o‘tkaziladi.

Unda ikki nafar bokschimiz oltin medal uchun jang qiladi:

-66 kg: Navbahor Hamidova - Choi Xongeun (Janubiy Koreya) (16:40 dan so‘ng)

-75 kg: Sohiba Ro‘zmetova - Lovlina Borgoain (Hindiston) (17:10 dan so‘ng)

Janglar boshlanish vaqti taxminan va Toshkent vaqti bilan ko‘rsatilgan.

Erkaklar o‘rtasidagi finallar ertaga o‘tkaziladi.