Buskets "Barselona" safidagi yubiley o‘yinini o‘tkazmoqda

Bugungi uchrashuv kataloniyaliklar yarim himoyachisi Serxio Buskets uchun klub safidagi yubiley 500-o‘yini bo‘ldi. Bu borada u "Barselona" tarixidagi ettinchi futbolchi bo‘ldi. U "ta’qib" etayotgan eng yaqin futbolchi - Viktor Valdes hisobida 535 uchrashuv bor.

Ma’lumot uchun, 30 yoshli Buskets "Barsa" tarbiyalanuvchisi sanaladi va 2008-yildan buyon jamoa safida to‘p surib keladi. U 500 bellashuvda 13 ta gol kiritgan va jamoa safida 7 marta La Ligada g‘olib chiqqan.