"Buxoro"ga yana kimlar qo‘shildi?

  • 10 yanvar, 2022, 19:33
  • Shuhratbek Jo’rayev
  • 0
  • Futbol
TIGGO 2 PRO

O‘z qarorgohida shug‘ullanayotgan “Buxoro” klubining tarkibida ham o‘zgarishlar davom etmoqda. Ilgari “Dinamo”dan besh nafar futbolchining taklif qilingani xususida ma’lumot bilan o‘rtoqlashgandik. Keyinchalik tarkibga yana bir qancha o‘yinchilar qo‘shilishdi.

buxoro1_1

O‘tgan mavsumni “Navbahor”da o‘tkazgan andijonlik himoyachi Xushnud Avilov ayni chog‘da buxoroliklar safida shug‘ullanmoqda. Shuningdek, Rustam Abduhamidov, Bobur Qosimov, Fayzulla Jumanqo‘ziev singari “Buxoro”ning sobiq futbolchilari ham jamoaga qaytarilgan. O‘tgan mavsumni Tojikistonning “Istaravshan” safida o‘tkazgan Xurshid Olimov ham “Buxoro”ga qo‘shildi.

Hakim Fuzaylov jamoasi endi nazorat uchrashuvlarini ham tashkil qilmoqda. 13 yanvar kuni Qarshida “Nasaf” bilan kuch sinashishi to‘g‘risida xabar bergandik. Shuningdek, buxoroliklarning Toshkentdagi yig‘ini mobaynida 16 yanvarda “Neftchi”, 20 yanvar kuni esa “So‘g‘diyona” klublariga qarshi maydonga tushishi rejalashtirilgan.

Fikrlar

Fikr qoldirish uchun avtorizatsiyadan o'ting!