"Chelsi" Jiru bilan muzokaralar o‘tkazmoqda

Londonning "Chelsi" klubi frantsiyalik hujumchi Olive Jiru bilan shartnomani uzaytirish bo‘yicha muzokara o‘tkazdi.

The Telegraph nashri tarqatgan xabarga ko‘ra, hozircha tomonlar bu borada yakuniy qarorga kelishmagan. Ammo, tez orada Jiruning “aristokratlar” safida yana qancha muddat o‘ynashini bilib olishimiz mumkin.

33 yoshli Jiru joriy mavsum “Chelsi” safida 13 ta o‘yinda maydonga tushdi va 3 ta gol urishga erishdi. Uning klub bilan amaldagi shartnomasi yozda o‘z nihoyasiga etadi.