Chempionlar ligasi eng ko‘p g‘alaba qozongan futbolchi kimligini bilasizmi?

UEFA Chempionlar ligasi guruh bosqichining ikkinchi turida “Bavariya” Daniyadagi safar uchrashuvida “Kopengagen” jamoasi ustidan 2:1 hisobida zafar quchdi.

Bu o‘yin 77-daqiqada maydonga tushgan myunxenliklarning tajribali o‘yinchisi Tomas Myuller uchun tarixiy ahamiyat kasb etdi. Tomas Myuller Chempionlar ligasidagi g‘alabali o‘yinlari sonini 101 taga etkazib oldi.

Bu ko‘rsatkich bo‘yicha nemis futbolchisi mashhur darvozabon Iker Kasilyas bilan tenglashib oldi.

Hozircha, Chempionlar ligasida eng ko‘p g‘alaba qog‘ongan futbolchi Krishtianu Ronaldu hisoblanadi. Portugaliyalik yulduz jami 115 o‘yinda maydonni g‘olib sifatida tark etgan.