Darvozabonning oxirgi daqiqadagi goli jamoani mag‘lubiyatdan qutqardi

Meksikaning mashhur «Pachuka» klubi milliy chempionatning navbatdagi turida mag‘lubiyatdan so‘nggi daqiqalarda qutulib qoldi. Mehmon sifatida maydonga tushgan jamoa butun o‘yin davomida tashabbusni qo‘ldan chiqarmadi. 

Hatto birinchi bo‘limdagi bir futbolchining maydondan chetlatilishi ham ularning ustunligiga jiddiy ta’sir qila olmadi. Ammo shunga qaramay,  uzoq vaqt «San-Luis» darvozasiga yo‘l topishning iloji bo‘lmadi.

Aksincha, uchrashuv oxirida kutilmagan holat yuz berdi: 83-daqiqada «San-Luis» hisobni ochib, mehmonlarni og‘ir ahvolga solib qo‘ydi.

Shu paytda «Pachuka»ni qutqarish uchun darvozabon Karlos Moreno sahnaga chiqdi. U jamoasining so‘nggi burchak zarbasi paytida raqib jarima maydoniga borib qo‘shildi. Bosh bilan yo‘llagan zarbasi aniq chiqdi — bu «Pachuka»ning butun o‘yin davomida darvoza tomon bergan atigi ikkinchi  zarbasi edi.

Ushbu gol nafaqat jamoani mag‘lubiyatdan saqlab qoldi, balki Morenoni Meksika chempionati tarixiga kiritdi. Darvozabonning so‘nggi daqiqalardagi bu ta’sirli goli milliy birinchilikning yorqin sahifalaridan biri sifatida eslab qolinar edi.