De Bryuynening jahli chiqdi

"Manchester Siti" yarim himoyachisi Kevin de Bryuyne "Tottenxem"ga qarshi o‘yin haqida fikrlari bilan o‘rtoqlashdi.

"Ochig‘i, futbol qoidalari bo‘yicha tushuncham o‘zgarib bormoqda. 12 yildan buyon professional futbol ichidaman. Dastlabki to‘qqiz yil ichida qoidalarda o‘zgarish bo‘lmadi, ammo endi tuzatishlar kiritilmoqda. Futbol yaxshi o‘yin. Biz esa yangi qoidalarga moslashishimiz kerak", - deydi De Bryuyne.

Birinchi taymda shaharliklar himoyachisi Emerik Laport hujumchi Gabriel Jezus pasidan so‘ng darvozani ishg‘ol qildi. Uchrashuv hakami Mayk Din VARga murojaat qilib, braziliyalik futbolchi to‘pni qo‘li bilan to‘xtatgan, deb topdi va golni bekor qildi.