Dillian Uayt Usik va Fyurining imkoniyatlarini baholadi

Og‘ir vazn toifasidagi britaniyalik bokschi Dillian Uayt WBC yo‘nalishi chempioni Tayson Fyuri va WBA, WBO, IBF yo‘nalishlari bo‘yicha jahon chempioni Aleksandr Usik o‘rtasidagi bo‘lajak jang haqida gapirdi.

 “Men uchun bu jangni prognoz qilish juda qiyin. Imkoniyatlarni 50/50 baholagan bo‘lardim. Mazkur bahsda kim g‘alaba qozonadi, bilmadim. Ammo savol shundaki, kim ko‘proq g‘alaba qozonishni xohlaydi va kim yaxshiroq tayyorgarlik ko‘rgan. Fyuri haqida gapirsam, u katta janglarda potentsialini namoyish etadi va umid qilamanki, Fyuri Ngannuga qarshi jang qiladigandek Usikka tayyorgarlik ko‘rmaydi, - dedi Uayt Boxing Social  nashriga bergan intervyusida.

 Eslatib o‘tamiz, Usik(21-0, 14 KO) va Fyuri(34-0-1, 24 KO) o‘rtasidagi jang 17 fevral kuni Ar-Riyodda (Saudiya Arabistoni) bo‘lib o‘tishi kerak edi, biroq britaniyalik bokschidagi ayrim muammolar sababli jang 18 mayga ko‘chirildi.