EChL. "Barselona" himoyachisi tarixga kirdi

"Barselona"ning PSJga qarshi dastlabki o‘yinida ispaniyalik himoyachisi Pau Kubarsi asosiy tarkibga kiritildi. Xavi unga yana bir katta uchrashuvda ishonch bildirmoqda. 

Shu tariqa, Kubarsi Chempionlar ligasi chorak finalida boshlang‘ich tarkibda maydonga tushgan eng yosh futbolchiga aylandi (17 yosh, 79 kun). Bundan oldingi rekord ham "Barsa" a’zosiga tegishli bo‘lgan. Boyan Krkich 2008 yilda "Shalke" bilan bo‘lib o‘tgan bellashuvning asosiy tarkibidan joy olgandi (17 yosh, 217 yosh). 

Kubarsi uchun mavsum ajoyib o‘tmoqda. U jamoa tarkibida 25 ta bahsda ishtirok etishga ulgurdi.