Ederson: "Manchester Siti" bilan tarixga kirdim"

"Manchester Siti"dan Turkiyaning "Fenerbaxche" klubiga o‘tgan darvozabon Ederson ingliz klubidagi faoliyati taassurotlari bilan o‘rtoqlashdi. Braziliyalikning ta’kidlashicha, jamoa turli musobaqalardagi ko‘plab g‘alabalari bilan tarixga kirgan.

"Sakkiz mavsumda oltita Premer-liga chempionligi. Esimda, APLdagi so‘nggi chempionligimdan keyin Fred Kaldeyra (TNT boshlovchisi) va u ketma-ket to‘rtta g‘alabadan so‘ng bu normal holat ekanligini aytdi. Bu normal holat emas. Biz tarixga kirdik, mening jamoam tarixga kirdi. Futbolchilar, xodimlar, bu klub tarixga kirdi.

Men Manchesterga juda yosh va "shaharliklar" libosini kiyish orzusi bilan kelganman. Menda tirishqoqlik bilan ishlash, bor kuchim bilan harakat qilish va sovrinlarni qo‘lga kiritishga intiladigan katta yoshli yigitlarning tajribasidan foydalanish kayfiyati bor edi. Orzularimiz amalga oshdi va men bu lahzalardan juda xursandman. Hayotimning bu davrida men baxtli edim.

Sakkiz yildan keyin boshqa klubga o‘tish, uyni o‘zgartirib, Turkiyaga borish - bu katta stress, lekin men baxtliman, oilam ham. Bu men va oilam uchun eng yaxshi echim", - deya Edersonning so‘zlarini keltiradi "Manchester Siti" rasmiy sayti.

"Shaharliklar" safida Ederson jami 19 ta sovrinni qo‘lga kiritgan.