EL. "Barsa"ga qarshi 2 gol va 1 assist qayd etgan futbolchi haftaning eng yaxshi futbolchisi bo‘la olmadi

Evropa ligasida chorak final bosqich uchrashuvlari yakuniga etdi. Unga ko‘ra, "Ayntraxt", "Vest Xem", "Leyptsig" va "Reynjers" jamoalari yarim final yo‘llanmasini qo‘lga kiritdi.

Shuningdek, UEFA rasmiy sayti 1/4 final javob uchrashuvlarining eng yaxshi futbolchisi nomini e’lon qildi. Unga ko‘ra, "Leyptsig" futbolchisi Kristofer Nkunku ushbu nominatsiyada g‘olib, deb topildi.

"Barselona" bilan o‘yinda 2 gol urib, yana bir golli uzatma amalga oshirgan "Ayntraxt" vakili Filipp Kostich bu borada Nkunkudan o‘tib keta olmadi.

"Leyptsig" futbolchisi hisobida ham 2 gol mavjud. Uning jamoasi aynan Kristofer urgan ikki gol evaziga "Atalanta"ni 2:0 hisobida taslim etdi.