Endrik terma jamoadan chaqiruv olishi mumkin

Qishki transferlar oynasida "Real"dan "Lion"ga ijara asosida borib qo‘shilgan Endrik ajoyib natijalar qayd etmoqda. U 5 ta o‘yinda maydonga tushgan bo‘lsa, raqiblari darvozasini 5 marotaba ishg‘ol qilib, 1 ta assist amalga oshirdi. 

Xose Luis Sanchesning so‘zlariga ko‘ra, Karlo Anchelotti keyingi FIFA kunlarida Endrikni Braziliya terma jamoasi qaydnomasiga qo‘shishni reja qilgan. 

19 yoshli strayker "Real" zahirasida ko‘p vaqt qolib ketganidan keyin terma jamoaning doimiy futbolchilari qatoridan tushib qolgandi. U Braziliya safida 14 ta o‘yinda maydonga tushib, 3 ta gol urgan.