Endryu Aspinall: "Meni faqat Tomning sog‘ligi qiziqtiradi"

Og‘ir vazn toifasida (120 kg) UFC chempioni Tom Aspinallning otasi Endryu Aspinall o‘g‘lining karerasini tugatishini istamoqda.

"Meni faqat uning karerasini qachon tugatishi va sog‘ligi qiziqtiradi. Tom hali-hamon o‘zini isbotlashni xohlayapti va men uni bu borada qo‘llab-quvvatlayman. Biroq agar o‘zi xohlasa, ertagayoq karerasini yakunlashi mumkin. Men bundan afsuslanmayman", — dedi Endryu Aspinall "TNT Sports" ga bergan intervyusida.

Eslatib o‘tamiz, 25 oktyabr kuni Abu-Dabida bo‘lib o‘tadigan "UFC 321" turnirida Tom Aspinall o‘z kamarini frantsiyalik Siril Gandan qarshi himoya qiladi.