"Evro-2024". Yana bir futbolchining burni sindi

Shveytsariya terma jamoasi himoyachisi Fabian Sher Shotlandiya bilan Evropa chempionati guruh bosqichi o‘yinida burnini sindirib oldi.

19-daqiqada Sher shotlandiyalik Entoni Ralston bilan to‘qnashib ketdi va ikkala futbolchiga ham tibbiy yordam ko‘rsatildi.

“Mening burnim sinibdi. Kutganimizdek, to‘qnashuvlar va duellar ko‘p bo‘ldi. Ular bizning vazifamizni jiddiy ravishda murakkablashtirishdi. Hamma uchun keskin o‘yin bo‘ldi va bu ham o‘yinning bir qismidir", - deya Sherning so‘zlarini keltirmoqda "Blue Sport" nashri.