"Evro-2024"ning eng yaxshilari aniqlandi

"Evro-2024" finalidan o‘rin olgan Ispaniya - Angliya bahsi bo‘lib o‘tdi. Mazkur uchrashuvda "Qizil Furiya" 2:1 hisobida zafar quchdi. 

47-daqiqada Niko Uilyams hisobni ochdi. 73-daqiqada zaxiradan maydonga tushgan Koul Palmer muvozanatni tikladi. 86-daqiqa o‘tib borayotgan bir paytda ispanlar safida zaxiradan bellashuvga qo‘shilgan Oyarsabal Ispaniyaga chempionlikni olib kelgan golga mualliflik qildi. 

Shu tariqa, De la Fuente shogirdlari "Evro-2024" g‘olibiga aylandi. 

"Qizil Furiya" xavbeki Rodri mazkur turnirning eng yaxshi futbolchisi, deb e’tirof etildi. Bundan tashqari, Lamin Yamal turnirning eng yaxshi yosh futbolchisi, deb topildi.