Fabregas "Chelsi"ga rossiyalik jamoadoshini sotib olishni maslahat bermoqda

"Monako" yarim himoyachisi Sesk Fabregas "Chelsi"ga rossiyalik jamoadoshi Aleksandr Golovinni sotib olishni maslahat bermoqda.

“Monako”da iqtidorli futbolchilar etarli, ammo hozirda ularning bittasi Angliyada o‘ynay oladi. Kim? Golovin. U ajoyib paslarga ega. U joriy mavsum jamoa etakchisi hisoblanadi. “Chelsi”da kim bilan gaplashsam, ularga Golovinga e’tibor qaratishlarini maslahat beraman. Menimcha u hozirgi murabbiyning qurayotgan o‘yin uslubiga juda mos tushadi”, - deydi ispaniyalik futbolchi.

Eslatib o‘tamiz, Fabregas 2014-2019 yillarda “Chelsi” safida to‘p surgan va jamoa bilan 5 ta sovrin qo‘lga kiritgan. Golovin esa “Monako”da joriy mavsum 30 ta o‘yinda maydonga tushdi va 3 ta gol hamda 4 ta golli uzatmaga mualliflik qildi.