Faqat Ronaldu, Messi va Raul qoldi!

Evropa Chempionlar ligasining nimchorak finali doirasida bo‘lib o‘tayotgan "Manchester Siti" va "Real" qarama-qarshiligida Karim Benzema o‘z hisobiga gol yozdirib qo‘yishga erishdi.

Ushbu gol frantsiyalik futbolchi uchun ChLdagi 65-si bo‘ldi va "Bavariya" forvardi Robert Levandovskini ortda qoldirgan holda, turnir tarixidagi eng yaxshi to‘purarlar ro‘yxatida to‘rttinchi o‘ringa ko‘tarilib oldi.

Benzemadan faqatgina 129 ta golni rasmiylashtirib bo‘lgan "Yuventus" forvardi Krishtianu Ronaldu ("Lion"ga qarshi bahsning dastlabki bo‘limida kiritgan goli qo‘shib hisoblanganida), 114 ta gol muallifi va "Barsa" a’zosi Lionel Messi hamda 71 marta raqib darvozasini ishg‘ol eta olgan "Real"ning sobiq hujumchisi Raul ko‘proq gol urgan.