Fayzullaevning haqiqiy mahoratini bahorda ko‘rasizlar!

17 dekabr, 2023, 08:09
1
Futbol

Rossiya Premer-ligasida kelasi yilning 1 martiga qadar qishki tanaffus e’lon qilindi. Futbol jamoatchiligi, murabbiylar, ekspertlari chempionatning birinchi qismini tahlil qilmoqda.

Ularning aksariyati avgustda “Paxtakor”dan TsSKAga ko‘chib o‘tgan Abbosbek Fayzullaevning o‘yiniga e’tibor qaratdi.Legionerimiz yosh bo‘lishiga qaramay, “armiyachilar” safida asosiy figuralardan biriga aylandi.

MAN7370

TsSKA va Rossiya milliy terma jamoasi sobiq o‘yinchisi Igor Semshov jurnalistlar bilan suhbatda o‘zbekistonlik hujumkor futbolchining Premer-liganing birinchi qismidagi ishtirokiga baho berdi.

—Menga Abbosbekning o‘yini juda yoqadi. U ko‘zga tashlanadigan, tezkor, driblingi zo‘r, to‘p bilan yaxshi ishlay oladigan futbolchi.

— Fayzullaev chempionatimizga juda tez moslashib ketdi. Balki bunga TsSKAning zaxira o‘rindig‘i qisqaligi sabab bo‘lgandir.

Bosh murabbiy Vladimir Fedotov futbolchiga ishonch bildirmoqda va Abbosbek bu imkoniyatdan unumli foydalanib kelyapti. Chempionatning bahorgi qismida Fayzullaev TsSKAning haqiqiy etakchisiga aylanadi.

— Fayzullaev o‘z hamyurti Eldor Shomurodovning yo‘lini takrorlab, Evropaga ketishi mumkinmi?

— Birinchi o‘rinda, Fayzullaev jamoasining boshlang‘ich tarkibidagi o‘rnini mustahkamlab, TsSKAning etakchisi darajasiga etishishi kerak. Abbosbek Evropaga etuk futbolchi sifatida yo‘l olishi lozim.

Abbosbek Fayzullaev “Paxtakor” tarbiyalanuvchisi hisoblanadi. Hamyurtimiz bu yil Toshkent va Argentinada o‘tkazilgan ikki nufuzli musobaqa – 20 yoshgacha bo‘lgan futbolchilar o‘rtasidagi Osiyo va jahon chempionatlarida yuqori saviyada o‘yin namoyish qilganidan keyin xorij klublari skautlari e’tiborini qozondi.

Aynan shu turnirlardagi muvaffaqiyatli ishtiroki evaziga Abbosbek Fayzullaev Xalqaro futbol tarixi va statistikasi talqini bo‘yicha 2023 yilning eng yaxshi yosh futbolchilari nominatsiyasida g‘oliblik uchun kurashadigan 26 nafar eng iqtidorli o‘yinchilar qatoriga kiritildi.

Abbosbek Fayzullaev Rossiya Premer-ligasiga yo‘l olgan o‘zbekistonlik futbolchilar orasida debyut mavsumini eng muvaffaqiyatli o‘tkazayotgan o‘yinchi hisoblanadi. Hali hech bir futbolchimiz Rossiya futbolida bu qadar tez ko‘zga ko‘rinmagan edi.

TsSKAning asosiy o‘yinchilaridan biriga aylangan 20 yoshli hujumkor futbolchimiz Moskva klubiga ko‘chib o‘tganidan keyin milliy chempionat va mamlakat kubogi bahslarida 18 ta uchrashuvda o‘z hisobiga ikkita gol va to‘qqizta assist rasmiylashtirib qo‘ydi.

Abbosning “armiyachilar” bilan shartnomasi 2026 yilning yozigacha tuzilgan. Tomonlar o‘zaro kelishgan holda hamkorlikni yana bir mavsum uzaytirishi mumkin.

volga (2)_1