FIFA: 2025 yilning yozida rekord darajadagi transferlar amalga oshirildi

2025 yilning yozida ayollar va erkaklar futbolida rekord darajadagi transferlar amalga oshirildi, deya xabar bermoqda FIFA matbuot xizmati tashkilot rasmiy saytida. Xususan, erkaklar futbolida 1 iyundan 2 sentyabrgacha bo‘lgan davrda 12 mingga yaqin, ayollar futbolida esa 1100 dan ortiq transfer amalga oshirildi.

Transfer xarajatlari 9,76 milliard dollargacha oshdi - bu yozgi transfer oynasi tarixidagi eng yuqori ko‘rsatkichdir. Summa 2024 yilning shu davriga nisbatan 50% ga oshgan.

Xarajatlar bo‘yicha birinchi o‘rinni Angliya egalladi - 3 milliard dollardan ortiq. "Liverpul" bir transfer oynasida yangi futbolchilarni sotib olish uchun sarflangan mablag‘ bo‘yicha rekord o‘rnatdi. "Qizillar" yozda jami 483 mln evro sarflagan.