Flik "Barselona"ning AQShdagi o‘yini haqida gapirdi

"Barselona" bosh murabbiyi Xans-Diter Flik jamoaning dekabr oyida AQShda o‘tkazadigan uchrashuvi haqida fikr bildirdi. Avvalroq La Liga "ko‘k-anorranglilar"ning "Vilyarreal"ga qarshi uchrashuvini Mayamida o‘tkazishini ma’lum qilgandi.

"Tushunaman, futbolchilar orasida norozilar bor, ammo qarorni La Liga qabul qiladi va biz o‘ynashimiz kerak bo‘ladi.

Bizda Rojdestvo tanaffusi bo‘ladi, keyin esa yangi 2026 yilda "Espanol"ga qarshi o‘yin bor. Shuning uchun bu qarorni hurmat qilishimiz lozim", — dedi kataloniyaliklar murabbiyi.