Frantsiya, Italiya va Chempionlar ligasi chempioni olislarga ketyapti

Jahon futbolining eng kuchli himoyachilaridan bo‘lgan Tyago Silva mavsum yakunlanishi bilan “Chelsi”ni tark etadigan bo‘ldi.

Braziliyalik futbolchi Evropadagi faoliyati davomida Italiya, Frantsiya chempionatlari g‘olibi bo‘lgan. Chempionlar ligasida zafar quchgan.

Goal nashri va taniqli insayder Fabritsio Romanoning ma’lum qilishicha, Tyago Silva “Chelsi” bilan hamkorlikni to‘xtatishga qaror qilib bo‘lgan.

39 yoshli himoyachi faoliyatini o‘z yurtida davom ettirmoqchi. Ma’lumotlarga qaraganda, “Fluminense” tajribali futbolchiga tarkibdan joy berishga tayyor va o‘zaro hamkorlik og‘zaki tarzda kelishib bo‘lingan.