Guti: "Yamal "Barsa"ga yo‘nalish belgilab beruvchi futbolchidir"

Madridning "Real" klubi afsonalaridan biri Guti "Barselona"ning yosh yulduzi Lamin Yamal haqida fikr bildirdi.

"U men qilgan ishlardan ancha oldinda. Eng yaxshi futbolchi? Eng yaxshi bo‘lish – har bir turda shunday bo‘lish degani. Hozircha u har turda eng yaxshi emas. Lekin u Kilian Mbappe va Vinisius Junior kabi.

U juda katta iqtidorga ega. Ba’zida u ko‘p gol urmayotgani haqida gapiramiz, ammo u o‘z uzatmalari bilan o‘yin taqdirini hal qiladi. U – bir harakat bilan o‘yin natijasini o‘zgartirishga qodir futbolchi.

Men Messi bu yoshda bunday o‘ynaganini ko‘rmaganman. U asosiy jamoada yosh o‘smir bo‘lishiga qaramay, asosiy futbolchi sifatida harakat qilmoqda. Hozir bu bola "Barselona" uchun haqiqiy yo‘nalish belgilab beruvchi futbolchi" - deya ta’rif berib o‘tdi ispaniyalik sobiq futbolchi.