Harri Keynga kutilmagan xaridor paydo bo‘ldi

“Tottenxem” hujumchisi Harri Keyn London klubidan sovrinlar uchun kurashadigan kuchliroq jamoaga o‘tish istagini bildirganidan keyin unga xaridorlar chiqa boshladi.

Angliya terma jamoasining asosiy hujumchisini asosan o‘z yurtidagi klublar tarkibiga taklif qilayotgan edi. Kutilmaganda, Harri Keyn uchun kurashayotgan klublar qatoriga “Yuventus” ham qo‘shildi.

Turin klubiga bosh murabbiy etib tayinlangan Massimiliano Allegri Harri Keynni jamoa to‘purari Krishtianu Ronaldu o‘rniga olib kelmoqchi.

“Tottenxem” rahbari Daniel Levi ham asosiy to‘purarini raqobatchi jamoalarga qo‘yib yuborishni istamay, transfer narxini 150 million funtdan tushirmayotgan edi. Turinliklar esa Keynni Angliya klublaridan arzonroqqa olishi mumkin.