Ibragimovich: "U kuchli xarakterga ega futbolchi"

"Milan"ning sobiq hujumchisi va klub hodimi Zlatan Ibragimovich jamoaning yangi himoyachisi Kayl Uoker haqida fikr bildirdi.

- U kuchli xarakterga ega, bu "Milan"ga kerak bo‘lgan narsa. Kayl jamoaga yordam berishga qodir. Uoker "Manchester Siti"da o‘ynaganidek, markaziy himoyada ham o‘ynay oladi, - dedi Zlatan.

Avvalroq, Uoker mavsum oxirigacha ijara asosida "Milan" klubiga o‘tgani xabar qilingandi.

Ma’lumot uchun, angliyalik himoyachi joriy mavsumda 15 marotaba maydonga tushdi. Transfermarkt portalidagi ma’lumotlarga ko‘ra, futbolchi 10 million evroga baholanmoqda.