Ibrohimovich yubileyini buzgan raqibning ta’zirini bermoqchi bo‘ldi

Zlatan Ibrohimovichning faoliyatidagi 600-uchrashuv bir umrga esidan chiqmaydigan bo‘ldi. A Seriyaning 19-turida “Atalanta” futbolchilari safar o‘yinida “Milan”ni 3:0 hisobida er tishlatdi.

Milanliklar darvozasiga kiritilgan gollardan birini urgan Duan Sapata uchrashuvdan keyin mezbonlar etakchisi Zlatan Ibrohimovich bilan urishib qoldi.

- Men sen butun umring davomida o‘tkazgan o‘yinlaring sonidan ko‘p gol urganman, - dedi Zlatan Ibrohimovich g‘azab bilan.

Sapata esa, uning gapiga e’tibor ham qaratmay, istehzo bilan kulganicha, teskari qarab ketdi.