“Inter” ishongan futbolchisdan quruq qolishi mumkin

Italiya chempionligini himoya qilayotgan “Inter” xo‘jayinlari “Chelsi” va PSJ kabi qudratli klublar jamoaning asosiy o‘yinchilaridan biri Marselo Brozovichni olib ketishidan xavotirda.

Har ikki klub ham o‘z safida xorvatiyalik yarim himoyachini ko‘rish uchun unga milanliklardan ko‘p maosh taklif qilishga tayyor. 28 yoshli Brozovichning milanliklar bilan hamkorligi mavsum oxirida yakunlanadi.

Hozircha, futbolchi yangi bitimga rozilik bergani yo‘q. Aslida Brozovichning o‘zi ham Italiyada qolmoqchi. Buning uchun maoshini sezilarli darajada ko‘tarishlarini talab qilmoqda.