“Inter” Kumanning shogirdini oladigan bo‘ldi
Ronald Kuman “Barselona”ni qabul qilib olganidan keyin yangi jamoani “Liverpul” etakchisi Jorjino Veynaldum atrofida qurishni rejalashtirgan edi. Biroq, niderlandiyalik yarim himoyachi Niderlandiya terma jamoasida o‘ziga ustozlik qilgan hamyurtining taklifini qabul qilmadi va Angliyada qolishni ma’qul topdi.
Endi Veynaldumga “Inter” og‘iz solmoqda. Milanliklar bu futbolchini yozgi transferlar mavsumida ko‘chirib kelishga tayyorlanyapti.
Joriy mavsumda Veynaldum Angliya premer-ligasida sakkizta uchrashuvda ishtirok etdi. Uning liverpulliklar bilan shartnomasi mavsum oxirida yakunlanishi ko‘plab jamoalarning e’tiborini tortmoqda.
Fikrlar