"Inter" va "Roma" bir futbolchi uchun kurashadi

“Torino” himoyachisi Armando Itstso qishki transferlar davrida jamoasini o‘zgartirishi mumkin.

Calciomercato nashri tarqatgan xabarga ko‘ra, 28 yoshli italiyalik futbolchiga “Inter” va “Roma”dan jiddiy qiziqishlar bo‘lmoqda. Qayd etish lozimki, Itstso jarohatidan so‘ng asosiy tarkibdagi o‘rnini yo‘qotdi.

Hozirda “neradzurrilar” ham, “bo‘rilar” ham Itstsoning transferi bo‘yicha Turin klubi bilan muzokaralarni boshlashga tayyor. “Inter” ushbu futbolchi evaziga Matias Vesino va yana qo‘shimcha pul taklif qilishni rejalashtirmoqda. “Torino” bo‘lsa, Itstsoning transferini 20 mln evroga baholamoqda va bu narxni tushirmoqchi emas.