Italiyaliklar mashhur darvozabondan yuz oʻgirdi
Uning narxi qimmat ekan
Italiyaning “Yuventus” klubi Angliyaning “Aston Villa” jamoasi darvozaboni Emiliano Martinesni sotib olish rejasidan butunlay voz kechdi.
Turinliklar avval “Liverpul”ning braziliyalik golkiperı Alissonni olib kela olmaganidan keyin asosiy e'tiborini Martinesga qaratgan edi.
Biroq klub 33 yoshli argentinalik posbon transferi bo‘yicha kelishuvga erisha olmadi. “Yuventus” ushbu bitimni juda qimmat deb hisobladi.
Jurnalist Fabrizio Romanoning ma'lum qilishicha, klub bir necha kun avval shu qarorni qabul qilgan va bu haqida “Aston Villa” rahbariyatini xabardor etgan.
Endilikda “Yuventus” darvozabon pozitsiyasini kuchaytirish uchun ko‘rib chiqayotgan variantlardan biri “Tottenxem” posboni Gulyelmo Vikariyo hisoblanadi.
Izohlar (0)