Jarohat sababli "Barselona" darvozaboni Ispaniya Superkubogida maydonga tushmaydi

"Barselona" darvozaboni Mark-Andre ter Shtegen jarohat oldi va Ispaniya Superkubogida maydonga tushmaydi.

"Diario Sport" nashrining xabar berishicha, golkiper bugungi mashg‘ulotni jarohat sababli muddatidan oldin yakunlagan.

"Barselona" matbuot xizmati ma’lum qilishicha, ter Shtegen Saudiya Arabistonidagi jamoa yig‘inini tark etib, tibbiy ko‘rikdan o‘tish uchun Barselonaga qaytib ketadi. Uning o‘rniga arizaga Diego Kochen qo‘shiladi — u jamoaga ertaga qo‘shiladi.

Seshanba kuni "Barselona" musobaqa yarim finalida "Atletik"ka qarshi o‘ynaydi.