Karate. Osiyo chempionatining ikkinchi kunida 9 ta medal qo‘lga kiritildi

Poytaxtimizda o‘tayotgan karate WKF bo‘yicha qit’a chempionatining ikkinchi kungi bellashuvlarida ham vakilimiz shoxsupaga ko‘tarildi.

Reglamentga ko‘ra, bugun musobaqada 16-17, 18-21 yosh toifasidagi sog‘lom sportchilar, shuningdek, para karatechilar o‘rtasida g‘olib va sovrindorlar aniqlandi. Unda O‘zbekiston terma jamoasi 1 ta oltin, 3 ta kumush va 5 ta bronza medallariga ega bo‘ldi.