Kirill Shchekutev: "WBC - sportni emas, siyosatni birinchi o‘ringa qo‘yadigan tashkilot"

Evropa boks konfederatsiyasi bosh kotibi Kirill Shchekutev taniqli bokschilar - Dmitriy Bivol va Artur Beterbiev o‘rtasidagi uchinchi jangni Rossiyada o‘tkazish imkoniyati haqida gapirdi.

"Menimcha, WBC trilogiyani Rossiyada bo‘lib o‘tishiga ruxsat bermaydi. Chunki ular sportni emas, siyosatni birinchi o‘ringa qo‘yadigan tashkilot. Biroq bir kun kelib bu munosabatini o‘zgartirishadi, degan umiddaman. Rossiya hududida WBA va IBF allaqachon chempionlik janglarini o‘tkazmoqda. Shuningdek WBO ham bunga qarshi emas" - dedi Shchekutev.

Eslatib o‘tamiz, Bivol va Beterbiev o‘rtasidagi revanshda Dmitriy ochkolar evaziga zafar quchdi.